Huus van de Taol mak winnaars ‘Slok oet je eigen Drentse mok’ bekend

In oktober gung streektaolorganisatie het Huus van de Taol op zuuk naor een neie slogan veur op de koffiemokken die ze verkoopt in heur webshop en winkel. Een oproep in de media leverde zowat 200 kreten op en een deskundige jury hef oeteindelijk veer prachtige spreuken oetkeuzen.

Winnaars ‘Dit is mienend’ – Jeanet de Vries (Ien), ‘Kop derveur’ – Jeffrey Verdel (Emmen), ‘Veur leut en teut’ – Aagje Blink (Emmen) en ‘Dikke (s)mok’ – Alice Blaauw (Erica).

Sommige kreten waren deur meerdere inzenders instuurd, de jury hef hieroet ien winnaar trökken.

Alle winnaors hebt undertussen bericht had. Spietig genog zit er op dit moment deur Corona een veul langere levertied op de mokkies en hebt de winnaors nog gien beker kregen met heur eigen tekst derop. Zo gauw de mokken in jannewaori binnen bint, giet dat vanzölf asnog gebeuren. Vanof dan bint de mokken ok te koop bij de streektaolorganisatie.

Het Huus van de Taol is de streektaolorganisatie die het Drents anfietert met as doel um het een taol te laoten weden waor de gebroekers groots op bint en die de niet-gebroekers waardeert.